மன்னாரில் கழுதைகளுக்கு வைத்தியசாலை

-எஸ்.றொசேரியன் லெம்பேட்

பிறிஜிங் லங்கா நிறுவனத்தின் அனுசரணையுடன், மன்னார், சின்னக்கரிசல், தாயிலான் குடியிருப்பு ஆகிய பகுதிகளில் புதிதாக நிர்மாணிக்கப்பட்டுள்ள கழுதைகளுக்கான வைத்தியசாலை மற்றும் கல்வி மையம் ஆகியன, இன்று (21) காலை திறந்து வைக்கப்பட்டன.

இந்நிகழ்வில், உலக மிருகங்கள் பாதுகாப்பு அமையத்தின் பிரதிநிதி ஒட்டாரா குணவர்த்தன உள்ளிட்ட பலரும் கலந்துகொண்டனர்.

குறித்த நிலையமானது, மன்னாரில் காயமடைந்த மற்றும் புறக்கணிக்கப்பட்ட கழுதைகளைப் பராமரிக்கும் இடமாக உருவாக்கப்பட்டுள்ளது.

அத்துடன், இந்நிலையத்தின் ஊடாக, கழுதைகள் பரிசோதிக்கப்பட்டு, சிகிச்சையளிக்கப்பட்டு, பயனுள்ள நடவடிக்கைகளுக்கு ஈடுபடுத்தப்படவுள்ளமை குறிப்பிடத்தக்கது.