மழை கால இடர்களை எதிர்கொள்ள விசேட ஏற்பாடுகள்

- நடராசா கிருஸ்ணகுமார்

தற்போது மழைக் காலம் ஆரம்பிக்கப்பட்டுள்ளமையால், மழை காலத்தில் ஏற்படும் இடர்களை எதிர்கொள்ளும் வகையிலான விசேட ஏற்பாடுகள், பிரதேச செயலக ரீதியாக மேற்கொள்ளப்பட்டுள்ளதாக முல்லைத்தீவு மாவட்டச் செயலாளர் திருமதி ரூபவதி கேதீஸ்வரன் தெரிவித்தார்.

வழமைபோலவே மழைக் காலத்தில் ஏற்படக்கூடிய இடர்களை கருத்தில்கொண்டு மாவட்ட மட்டத்தில் கூட்டம் கூடி மழை காலத்தில் ஏற்படக்கூடிய வெள்ள அபாயம் போன்றவற்றை எவ்வாறு எதிர்கொள்வது என்பது தொடர்பாக ஒரு முன்னேற்பாடு ஒழுங்குப்படுத்தப்பட்டுள்ளது.

ஏற்கெனவே ஒவ்வொரு பிரதேச செயலகம் ஊடாகவும் மழைக் கால இடரினை எதிர்கொள்வதற்கான தயார்ப்படுத்தல்கள் செய்யப்பட்டுள்ளது என்றார்.