முல்லைத்தீவு விபத்தில் ஒருவர் பலி

-செ.கீதாஞ்சன்

இன்று காலை, கொக்குளாய் - முல்லைத்தீவு வீதியில் சிலாவத்தை பகுதியில் கூலர்வகை வாகனம் ஒன்று வீதியை விட்டுவிலகி, தொலைத்தொடர்பு கம்பம் ஒன்றில் மோதி விபத்துக்குள்ளானதில், வாகனத்தின் சாரதி உயிரிழந்துள்ளார்.

அத்துடன், ஒருவர் காயமடைந்துள்ளார்

புத்தளம் - அசோகபுரம் பகுதியைச் சேர்ந்த 35 வயதுடைய வர்ணகுலசூரிய பிறேமசிறி என்பவரே, விபத்தில் உயிரிழந்தார்.

கொக்குளாய் – முகத்துவாரம் பகுதியில், கடற்றொழில் செய்யும் தெற்கைச் சேர்ந்தவர்களின் குறித்த வாகனம் சிலாவத்தை பகுதியில் ஐஸ் ஏற்றுவதற்காக சென்றபோது இந்த விபத்து இடம்பெற்றுள்ளது.

சாரதியின் துக்கமின்மை காரணமாகவே, இவ்விபத்து இடம்பெற்றுள்ளதாக மக்கள் தெரிவித்துள்ளார்கள்.

இவரது சடலம் முல்லைத்தீவு மாவட்ட வைத்தியசாலையில் வைக்கப்பட்டுள்ளது.