மோதல் சம்பவத்தில் ஒருவர் கைது

-செல்வநாயகம் கபிலன்

வல்வெட்டித்துறைப் பகுதியில் உள்ள விருந்தினர் விடுதிக்கு முன் இடம்பெற்ற கைகலப்பு சம்பவம் தொடர்பில், ஒருவர் இன்று (05) கைது செய்யப்பட்டாரென, நெல்லியடிப் பொலிஸார் தெரிவித்தனர்.  

இரண்டு நாட்களுக்கு முன்னர் மதுபோதையில் இரு இளைஞர் குழுக்களுக்கு இடையில் ஏற்பட்ட கைகலப்பில் ஒருவர் காயங்களுக்கு உள்ளாகி யாழ்.போதனா வைத்தியசாலையில் அனுமதிக்கப்பட்டுள்ளார். 

சம்பவம் தொடர்பில் விசாரணைகளை மேற்கொண்ட நெல்லியடி பொலிஸார், வல்வெட்டித்துறை பகுதியைச் சேர்ந்த நபரைக் கைது செய்துள்ளனர்.  

கைதுசெய்யப்பட்ட நபரை பருத்தித்துறை நீதவானின் வாசஸ்தலத்தில் ஆஜர்படுத்த நடவடிக்கை எடுக்கப்பட்டுள்ளது.