வவுனியாவில்…

-க. அகரன்

ஐக்கிய நாடுகள் மனித உரிமை பேரவை, இலங்கை அரசாங்கத்துக்கு காலஅவகாசம் வழங்கக் கூடாது எனக் கோரி, வவுனியாவில் இன்று கவனயீர்ப்பு போராட்டம் இடம்பெற்றது.

வலிந்து காணாமல் ஆக்கப்பட்டவர்களின் உறவுகளினால் மேற்கொள்ளப்பட்டு வரும் உண்ணாவிரதப் போராட்டத்துக்கு முன்பாகவே, இவ் ஆர்ப்பாட்டமும் இடம்பெற்றது.

ஆர்ப்பாட்த்தில் ஈடுபட்டவர்கள்,

“ஐ.நாவே இலங்கை அரசாங்கத்துக்குக் கால நீடிப்பை வழங்காதே”, “சர்வதேசமே எங்களுக்கு தீர்வைத் தா”, “வழங்காதே வழங்காதே காலநீடிப்பை வழங்காதே“ மற்றும் “சர்வதேசமே நீதியை புதைக்காதே“ என எழுதப்பட்ட சுலோக அட்டைகளை ஏந்தியிருந்ததுடன், கோசங்களையும் எழுப்பினர்.

காணாமல் ஆக்கப்பட்டவர்களின் உறவினர்களுடன், பெண்கள் அமைப்புக்களின் பிரதிநிதிகள் மற்றும் சமூக அமைப்புக்களின் பிரமுகர்கள் எனப் பலரும் இவ் ஆர்ப்பாட்டத்தில் இணைந்துகொண்டனர்.