வவுனியாவில் விபத்து: 21 பேர் காயம்

-ரொமேஸ் மதுசங்க, எஸ்.என்.நிபோஜன்

வவுனியா, மெனிக்பாம் பகுதியில் நேற்று இரவு 7.30 மணியளவில் வேகக்கட்டுபாட்டையிழந்த பஸ் ஒன்று பாலத்தில் வீழ்ந்து விபத்துக்குள்ளானதில் 21 கடற்படையினர் காயமடைந்துள்ளனர்.

மன்னார் பகுதியில் இருந்து மதவாச்சி நோக்கி விடுமுறையில் சென்ற கடற்படையினரை ஏற்றிச்சென்ற இரண்டு பஸ்களில் ஒன்றே அங்கிருந்த தொலைபேசி கம்பத்துடன் மோதுண்டு பலத்தினுள் வீழ்ந்துள்ளது.

காயமடைந்த கடற்படையினர் செட்டிகுளம் வைத்தியசாலைக்கு கொண்டு செல்லப்பட்டு அங்கிருந்து வவுனியா வைத்தியசாலைக்கு  மாற்றப்பட்டுள்ளனர். அதில் ஒருவர் மேலதிக சிகிச்சைகளுக்காக கொழும்பு வைத்தியசாலைக்கு மாற்றப்பட்டுள்ளதாக தெரிவிக்கப்படுகின்றது.