வவுனியாவில் 7 மோட்டார் செல்கள் மீட்பு

-க. அகரன்

வவுனியா - குஞ்சுக்குளம், வேலங்குளம் பகுதிகளில் இருந்து வெடிக்காத நிலையில் இருந்த  மோட்டார் செல்களை, விசேடஅதிரடி படையினர் நேற்றயதினம் மீட்டனர்.

குஞ்சுக்குளம் பகுதியில் அமைந்துள்ள குளப்பகுதி மற்றும் வேலங்குளம் பகுதியில் அமைந்துள்ள தனியார் காணியில், சந்தேகத்துக்கிடமான பொருள்கள் இருப்பதை அவதானித்த பொதுமக்கள், இவ்விடயம் தொடர்பாக  பொலிஸாருக்கு தகவல் வழங்கியிருந்தனர்.   

குறித்த பகுதிக்கு சென்ற பொலிஸார் மற்றும் விசேட அதிரடிப்படையினர், 7 மோட்டார் செல்கள் மற்றும் ஒரு கைக்குண்டையும் மீட்டுள்ளனர்.

சம்பவம் தொடர்பாக  விசாரணைகளை மேற்கொண்டு வரும் பொலிஸார்,  நீதிமன்ற அனுமதியின் பின்னர் வெடிபொருள்களை அப்பகுதியில் இருந்து அகற்றவுள்ளதாகவும் தெரிவித்தனர்.