வவுனியாவில் தீப்பிடித்து எரிந்த மரக்காலை

-க. அகரன்

வவுனியா - பன்றிக்கெய்தகுளம் பகுதியில் அமைந்துள்ள மரக்காலையில் நேற்றையதினம் அதிகாலை 3 மணிக்கு தீடீர் என தீபிடித்து எரிந்துள்ளது.

சம்பவம் தொடர்பாக, வவுனியா நகரசபை உறுப்பினர் சுந்தரலிங்கம் காண்டீபனின் கவனத்துக்குக் கொண்டுசெல்லப்பட்டதுடன், அவரூடாக  நகர சபையின் தீயணைப்பு வாகனத்துக்கு அறிவிக்கப்பட்டது.

இதையடுத்து, சம்பவ இடத்துக்கு விரைந்த  நகரசபை தீயணைப்பு வாகனத்தின் செயற்பாட்டால், தீ கட்டுப்பாட்டுக்குள் கொண்டுவரப்பட்டதுடன், பாரிய சேதமும் தடுக்கப்பட்டது.

இதன்போது, பெறுமதியான மரப் பலகைகள் தீக்கிரையாகியுள்ளன.

சம்பவம் தொடர்பில் ஓமந்தை பொலிஸார் விசாரணைகளை முன்னெடுத்து வருகின்றனர்.