தமக்குப் பிறந்தது பெண்குழந்தையென ஒரு மாதத்தின்பின் அறிந்த பெற்றோர்

தமக்கு ஆண் குழந்தை பிறந்ததுவிட்டதென்ற சந்தோசத்தில் மிதந்த ஒரு தம்பதி, அக்குழந்தை பிறந்து ஒரு மாதத்தின் பின்பே தமக்கு பிறந்தது  உண்மையில் பெண் குழந்தை என்பதை கண்டறிந்துள்ளது.

தென்னாபிரிக்கா, வெரீனிஜிங் பிரதேசத்தைச் சேர்ந்த மெடிலிஷியா (வயது 29) என்ற பெண்ணுக்கும்,  கென்னத் (வயது 30) என்ற ஆணுக்குமே இந்த வியப்புமிக்க அனுபவம் ஏற்பட்டுள்ளது.

இக்குழந்தை பிறந்தபோது ஆண் பாலுறுப்பை கொண்டிருப்பதுபோல் தென்பட்டதாம். ஆதனால் அவர்கள் அக்குழந்தைக்கு  கென்னி எனப் பெயரிட்டிருந்தனர். ஆனால் நாட்கள் செல்லச் செல்ல உருபில் மாற்றம் ஏற்பட்டது.
 
அதனால் அக்குழந்தையின்  பெற்றோர் குழந்தையை மீண்டும் மருத்துவமனைக்கு எடுத்துசென்றனர்.

அங்கு குழந்தையை சோதித்த மருத்துவர்கள் அக்குழந்தை உண்மையில் பெண் என்பதை அறிவித்தனர்.

அந்தக் குழந்தையின் பாலுறுப்பானது மிகவும் பெரிதாக இருந்ததே அது ஆண் எனக் கருதப்படக் காரணம். அந்தக் குழந்தையின் உடலில் ஹோர்மோன் கோளாறு காரணமாகவே இந்தநிலை ஏற்பட்டிருந்தது.

அதன்பின் குழந்தையை சத்திரசிகிச்சைக்கு உட்படுத்த பெற்றோர் தீர்மானித்தனர்.

சிகிச்சைக்குப் பின் அந்தக் குழந்தையின் பெயர் மிகென்ஸி என மாற்றப்பட்டுள்ளது.

குழந்தையின் தாயான மெடிலிஷியா குறிப்பிடுகையில்  'வைத்தியர்இ  மெகென்சியா உண்மையில் ஆணும் இல்லை பெண்ணும் இல்லை,  இரண்டுக்கும் இடைப்பட்ட நிலை என தெரிவித்தார். ஆனால் எங்களுக்கு அழகான பெண் குழந்தையொன்று கிடைத்துள்ளது. இது குறித்து நாம் பெருமையடைகிறோம்' என தெரிவித்துள்ளார்.