சுமோ மல்யுத்த வீரர் மரதன் ஓட்டத்தில் சாதனை

400 இறாத்தல் நிறையுடைய சுமோ மல்யுத்த வீரரொருவர் மரதன் ஓட்டப்போட்டியில் பங்குபற்றி புதிய உலக சாதனையை நிலைநாட்டியுள்ளார்.

லொஸ் ஏஞ்சல்ஸில் நடைபெற்ற மரதன் ஓட்டப்போட்டியில் கெலி ஜினெய்டிங் எனற மல்யுத்த வீரர் பங்குபற்றி 9 மணித்தியாலம் 48 நிமிடங்கள் 52 விநாடிகளில் தனது ஓட்டத்தை ஓடி முடித்து இந்த சாதனையை நிலைநாட்டியுள்ளார்.

கடந்த 2008 ஆம் ஆண்டு 270 இறாத்தல் எடை கொண்ட ஒருவர் , 11 மணித்தியாலங்கள்,  52 நிமிடங்கள்,  11 விநாடிகளில் ஓடி நிலைநாட்டிய சாதனையை ஜினெய்டிங் முறியடித்துள்ளார்.

ஜினைடய்டிங்  முதல் 8 மைல்களை  ஜோக்கிங் செய்தார் இறுதி 18 மைல்களை அவர் நடந்து கடந்தார்.

கடும் மழை மற்றும் காற்றுக்கு மத்தியிலும் அவர் 26.2 மைல் தூரத்தை ஓடி முடித்தார்.

' இறுதி 5 மைல்களில் நான் மிகவும் கஷ்டப்பட்டேன். ஆனால் ' நான் தவழ்ந்து போக நேரிட்டாலும் அதை செய்ய வேண்டும்' என உறுதியெடுத்துக்கொண்டேன்' என்கிறார் ஜினெய்டிங்.