வயதான ஊழியர்களுக்கு பதிலாக கவர்ச்சியான யுவதிகளை தேடும் ஹோட்டல்

லண்டனில் 5 நட்சத்திர ஹோட்டல் தொகுதியொன்றின் உரிமையாளர்  ஒருவர் அங்குள்ளன உணவு விடுதிக்கு இளமையான அதேவேளை, மிகவும் கவர்ச்சிமிக்க ஊழியர்களை நியமிக்குமாறு முகாமையாளருக்கு அறிவித்துள்ளார்.

இந்த ஹோட்டலில் தொழில் புரிந்த வயதான ஊழியர்களை நீக்கிவிட்டு புதியவர்களை நியமிக்கும் படியும், அவ்வாறு நியமிக்கப்படுபவர்கள் மிகவும் கவர்ச்சியானவர்களாகவும் பொன்னிறமான கூந்தல் கொண்டவர்களாகவும் குட்டைப் பாவாடை அணியக் கூடியவர்களாக இருக்கவேண்டுமென தனக்கு தெரிவிக்கப்பட்டதாக மேற்படி முகாமையாளர் விசாரணை மன்றமொன்றில் கூறியுள்ளார்.

 அமையா இஸ்மாயில் (வயது 57) என்பவர் இது தொடர்பாக தெரிவிக்கையில்  ஓர் இரவுக்கு அறையொன்றுக்கு 3500 ஸ்ரேலிங் பவுண் கட்டணம் அறிவிடும் ஹோட்டலிலிருந்து தனக்கு இடமாற்றம் வழங்கிவிட்டு 28 வயதான பெண்ணொருவர் நியமிக்கப்பட்டதாக கூறியுள்ளார்.

 மற்றுமொரு சந்தர்ப்பத்தில் வயதான ஊழியர்களை குறைகண்டுபிடித்து அவர்கள் விலகிச் செல்வதற்கு அழுத்தம் கொடுக்குமாறும் தனக்கு உத்தரவிடப்பட்டதாக அவர் மேலும் குறிபிட்டார்.

தான் கடந்த 18 வருடங்களாக அந்த ஹோட்டலில் தொழில் புரிந்த போதிலும் நியாயமற்ற வகையில் விலக்கப்பட்டதாகவும் அவர் கூறினார்.
இது தொடர்பான வழக்கு தொடர்ந்து நடைபெற்று வருகிறது.