காட்டுயானை தாக்குதலில் குடும்பஸ்தர் படுகாயம்

வெலிஓயா  பிரதேசத்தில் வயல் காவலுக்கு சென்ற குடும்பஸ்தர் ஒருவர் புதன்கிழமை (13)  யானை தாக்குதலுக்குள்ளாகி  படுகாயமடைந்துள்ளார்.

வெலிஓயா- ஜனகபுரம் பகுதியை சேர்ந்த 50 வயதுடைய  விவசாயி ஒருவரே இவ்வாறு யானை தாக்குதலுக்கு இலக்காகியுள்ளார்.

குறித்த நபர் , கால் ஒன்று முறிந்த நிலையில் மீட்கப்பட்டு முல்லைத்தீவு மாவட்ட வைத்தியசாலையில் அனுமதிக்கப்பட்டுள்ளதுடன், மேலதிக சிகிச்சைக்காக யாழ். போதனா வைத்தியசாலைக்கு மாற்றப்பட்டுள்ளார்.

முல்லைத்தீவு மாவட்டத்தில் காட்டுயானைகளின் அட்டகாசம் நாளுக்கு நாள் அதிகரித்துக்கொண்டு வருவதாக  மக்கள் விசனம் தெரிவித்துள்ளமை குறிப்பிடத்தக்கது.

செ.கீதாஞ்சன்