படகை செலுத்திய தந்தை ; கதறிய பிள்ளைகள்

யாழ்ப்பாணத்தில் ஆபத்தான படகு பயணத்தில் ஈடுபட்டிருந்த இரு சிறுவர்கள் உள்ளிட்ட மூவரை கடற்படையினரால்  மீட்டு கரை சேர்த்துள்ள சம்பவமொன்று சனிக்கிழமை (27)  பதிவாகியுள்ளது.   

மயிலிட்டி கடல் பகுதியில் குடும்பஸ்தர் ஒருவர் தனது 2 வயது பிள்ளையையும் , தனது சகோதரியின் 7 வயது மகளையும் படகில் ஏற்றி கடலில் ஆபத்தான முறையில் படகை செலுத்தியுள்ளார். அதன் போது , படகினுள் கடற்தண்ணீர் உட்புகுந்ததுடன் , படகில் இருந்த பிள்ளைகளும் பயத்தில் கத்தியுள்ளனர். 

இச் சம்பவத்தை கடலில் சுற்றுக்காவல் (ரோந்து) பணியில் ஈடுபட்டிருந்த கடற்படையினர் கவனித்ததையடுத்து அவ்விடத்திற்கு விரைந்து , படகில் இருந்து பிள்ளைகளை மீட்டுள்ளதுடன் , படகினை கரைக்கு செலுத்துமாறு கூறி கரை சேர்ந்த பின்னர் குடும்பஸ்தரை கடுமையாக எச்சரித்துள்ளனர்.  

இச் சம்பவத்தின் போது படகோட்டிய குடும்பஸ்தர் மது போதையில் இருந்துள்ளார் என்பது குறிப்பிடத்தக்கது .

எம்.றொசாந்த்