வட இலங்கை தனியார் பஸ் சங்கம் பூரண ஆதரவு

க. அகரன் 

வட இலங்கை தனியார் பஸ் உரிமையாளர்கள் சங்கம் நாளை (25) இடம்பெறவுள்ள ஹர்த்தாலுக்கு பூரண ஆதரவு வழங்குவதற்கு தீர்மானித்துள்ளது.

வட இலங்கை தனியார் பஸ் உரிமையாளர்கள் சங்கத்தின் தலைமையத்தில் திங்கட்கிழமை (24) இடம்பெற்ற கூட்டத்தின் போதே  இந்த தீர்மானம் எடுக்கப்பட்டது. 

குறித்த கூட்டத்தில் வட இலங்கை தனியார் பஸ் உரிமையாளர்கள் சங்க தலைவர் சி. சிவகரன், யாழ் பிராந்திய கூட்டு இணைக்கப்பட்ட பஸ்  கம்பனிகளின் இனையத்தின் தலைவர் பொ.கெங்காதரன், முல்லைத்தீவு மாவட்ட தனியார் பஸ் உரிமையாளர்கள் சங்கத்தின் தலைவர் நா. சற்குணராசா ஆகியோர் கலந்து கொண்டனர்.

மன்னார் மாவட்ட தனியார் பஸ் உரிமையாளர்கள் சங்கத்தின் தலைவர் பு. நாகரூபன், வவுனியா மாவட்ட தனியார் பஸ் உரிமையாளர்கள் சங்கத்தின் தலைவர் எஸ். ரி. ராஜேஸ்வரன், கிளிநொச்சி தனியார் பேருந்து உரிமையாளர்கள் சங்கத்தின் தலைவர் தி. கிருஷ்ணன் ரூபன் ஆகியோர் குறித்த கூட்டத்தில் கலந்து கொண்டிருந்தமை குறிப்பிடத்தக்கது.