அரபுக் கல்லூரி விரிவுரையாளர்களுக்கு பயிற்சி நிலையம்

அரபுக் கல்லூரி விரிவுரையாளர்களுக்கு பயிற்சி வழங்குவதற்காக முதன் முறையாக பயிற்சி நிலையமொன்றை அமைக்க அரசாங்கம் தீர்மானித்துள்ளது என அரச தரப்பு நாடாளுமன்ற உறுப்பினர் ஹுனைஸ் பாரூக் தெரிவித்தார்.

நாடாளுமன்ற கட்டிடத் தொகுதியில் நேற்று செவ்வாய்க்கிழமை நடைபெற்ற புத்தசாசன மற்றும் சமய விவகார அமைச்சின் ஆலோசனைக் குழு கூட்டத்திலேயே இத்தீர்மானம் எடுக்கப்பட்டதாக அவர் குறிப்பிட்டார்.

மருதானை பிரதேசத்தில் முஸ்லிம் சமய விவகார திணைக்களத்திற்காக நிர்மாணிக்கப்படும் கட்டிடத் தொகுதியிலே இப்பயிற்சி நிலையம் நிறுவப்படவுள்ளதாக நாடாளுமன்ற உறுப்பினர் ஹுனைஸ் பாரூக் தெரிவித்தார்.

இந்த பயிற்சி கல்லூரி நிறுவப்படுவதன் மூலம் பல்லாயிரம் அரபுக் கல்லூரி விரிவுரையாளர்கள் நன்மையடைவார்கள் என அவர் மேலும் தெரிவித்தார்.

பிரதியமைச்சர் எம்.எல்.ஏ.எம்.ஹிஸ்புல்லாவினாலேயே இந்த முன்மொழிவு சமய விவகார அமைச்சின் ஆலோசனைக் குழு கூட்டத்திலேயே முன்மொழியப்பட்டமை குறிப்பிடத்தக்கது.  

முஸ்லிம் சமய விவகார திணைக்களத்தில் 226 அரபு கல்லூரிகள்  பதிவு செய்யப்பட்டுள்ள நிலையில் மேலும் சுமார் 100 அரபு கல்லூரிகள் பதிவு செய்யப்படாது இயங்குகின்றமை குறிப்பிடத்தக்கது.