சைக்கிளோட்ட வீர​ரின் மரணத்தையடுத்து ‘Rumble in the jungle’ போட்டி இடைநிறுத்தம்

இலங்கையில் நடைபெற்ற ‘Rumble in the jungle’  மலையேறும் சைக்கிளோட்டப் போட்டியின் போது காணாமல் போன வீரரொருவர் சடலமாக மீட்கப்பட்டுள்ளார்.

நேபாளத்தைச் சேர்ந்த நாராயனன் கோபால் மஹராஜன் என்ற போட்டியாளர்  போட்டியில் கலந்துக்​கொண்டிருந்த வேளை,குடாஓயா வில் விழுந்து உயிரிழந்துள்ளதாக பொலிஸார் தெரிவித்துள்ளனர்.

இதனையடுத்து, இந்தப் போட்டியை ஏற்பாடு செய்திருந்த ஸ்ரீ லங்கன் விமான நிறுவனமானது இந்தப் போட்டியை நிறுத்துவதற்கு தீர்மானித்துள்ளதாகத் தெரிவிக்கப்படுகின்றது.

பிரித்தானியா, ஜேர்மன், இத்தாலி மற்றும் சுவிட்ஸலாந்து ஆகிய நாடுகளைச் சேர்ந்த 39 வீரர்கள் இந்தப் போட்டியில் கலந்துக்​கொண்டதுடன், மஹராஜனைத் தவிர நேபாளம் நாட்டிலிருந்து மேலும் இரு வீரர்கள் இந்தப் போட்டியில் கலந்துக்கொண்டதாக தெரிவிக்கப்பட்டுள்ளது.