தேர்தலுக்குப் பின்னரும் உள்ளூராட்சி மன்றங்கள் இயங்காமைக்கு கவலை

மகேஷ் கீர்த்திரத்ன

தேர்தல் முடிந்து ஒரு மாதம் கடந்துள்ள போதிலும், உள்ளூராட்சிமன்றங்கள் இயங்காமல் இருப்பது கவலையளிப்பதாகத் தெரிவித்த அம்பகன்கோரள பிரதேச சபையின் முன்னாள் தலைவர் சுனில் விஜேதிலக்க, இதனால், பிரதேச அபிவிருத்திகள் முடங்கியுள்ளதாகவும் சுட்டிக்காட்டினார்.

உள்ளூராட்சிமன்றங்களுக்கான தேர்தலை நடத்துவதற்கு, நல்லாட்சி அரசாங்கத்துக்கு மூன்று ஆண்டுகள் தேவைப்பட்டதாகக் கூறிய அவர், தேர்தலுக்குப் பின்னரும் கூட, உள்ளூராட்சிமன்றங்களின் பணிகள் இழுபறி நிலையிலேயே உள்ளதாகக் கவலை வெளியிட்டார்.  

உள்ளூராட்சிமன்றத் தேர்தல் முடிவுகளுக்கு அமைவாக, அம்பன்கோரள பிரதேச சபையை, ஸ்ரீ லங்கா பொதுஜன பெரமுன கைப்பற்றியுள்ளதாகத் தெரிவித்த அவர், உள்ளூராட்சிமன்றங்களின் செயற்பாடுகள், காலம் தாழ்த்தப்படாது, விரைவில் ஆரம்பிக்கப்பட வேண்டுமென்றும் கோரிக்கை விடுத்தார்.