சந்திரிகாவும் வரவில்லை, ஷிரந்தியும் வரவில்லை; விழா ஏற்பாட்டாளர்கள்மீது மக்கள் தாக்குதல்

சிறுவர் அமைப்பொன்றின் பரிசளிப்பு விழாவில் முன்னான் ஜனாதிபதி சந்திரிகா குமாரதுங்கவும் ஜனாதிபதி மஹிந்த ராஜபக்ஷவின் பாரியார் ஷிரந்தி ராஜபக்ஷவும் கலந்துகொள்வார்கள் எனக் கூறப்பட்டதை நம்பி பல மணித்தியாலங்கள் காத்திருந்த மக்கள் நிகழ்ச்சி ஏற்பாட்டாளர்களை தாக்கிய  சம்பவம் கம்பஹாவில் இடம்பெற்றுள்ளது.

'திரிய தருவோ சிறுவர் மன்றத்தின்' பரிசளிப்பு விழா கம்பஹ ஹெனரத்கொட பூங்காவில் நடைபெற்றது. முன்னான் ஜனாதிபதி சந்திரிகா குமாரதுங்கவும் ஜனாதிபதி மஹிந்த ராஜபக்ஷவின் பாரியார் ஷிரந்தி ராஜபக்ஷவும் அதிதிகளாக கலந்துகொள்வார்கள் என அறிவிக்கப்பட்டதை நம்பி, சுமார் 5000 பேர்  மக்கள் பல மணித்தியாலங்கள் காத்திருந்தனர்.

ஆனால், விழாமுடிந்தபோதிலும் மேற்படி அதிதிகள் வரவில்லை. இதனால் ஆத்திரமடைந்த மக்கள் விழா ஏற்பாட்டாளர்களை தாக்கினர்.

இதையடுத்து, இந்நிகழ்வை ஏற்பாடு செய்தவர்கள் என்று கூறப்படும் 7 பேர் பொலிஸாரால் கைது செய்யப்பட்டு, நால்வர் பிணையில்செல்ல அனுமதிக்கப்பட்டதாக  பொலிஸார் தெரிவித்தனர். (லங்கா தீப)