யாழ். போதனா வைத்தியசாலையின் வெளிநோயாளர் பிரிவில் சிகிச்சை நேரம் நீடிப்பு

(பாலமதி)

யாழ். போதனா வைத்திய சாலையின் வெளிநோயாளர் பிரிவில் பொதுமக்கள் சிகிச்சை பெற்றுக்கொள்ளும் நேரம் நீடிக்கப்பட்டுள்ளது என்று வைத்தியசாலையின் பணிப்பாளர் திருமதி ப. பவானி தெரிவித்துள்ளார்.

இவ்விடயம் தொடர்பாக அவர் மேலும் தெரிவித்துள்ளதாவது:

யாழ். போதனா வைத்தியசாலையின் வெளிநோயாளர் பிரிவில் எதிர்வரும் 15ஆம் திகதி தொடக்கம் காலை 7 மணியில் இருந்து இரவு 8 மணிவரை சிகிச்சைகளைப் பெற்றுக் கொள்ளமுடியும்.

ஜனாதிபதி மஹிந்த ராஜபக்ஷவின் உத்தரவின் பேரில் இலங்கையில் உள்ள அனைத்துப் போதனா வைத்தியசாலைகளிலும் காலை 7 மணி தொடக்கம் இரவு 8 மணிவரை வெளிநோயாளர் பிரிவுகள் இயங்கவுள்ளன.

அதன் பிரகாரம் யாழ். போதனா வைத்தியசாலையிலும் இந்த நடைமுறை பின்பற்றப்படவுள்ளதாக அவர் தெரிவித்தார்.