புத்தளம் நகரசபைக்குட்பட்ட பிரதேசங்களில் சுத்திகரிப்பு பணிகள் முன்னெடுப்பு

(ஏ.எஸ்.எப்.ஜெஸீரா)
புத்தளம் நகர சபைக்குற்பட்ட பிரதேசங்களில் நீண்டகாலம் சுத்திகரிப்பு நடவடிக்கை மேற்கொள்ளப்படாத பிரதேசங்களில் கட்டம் கட்டமாக சுத்திகரிப்பு பணியை மேற்கொள்வதற்கு புத்தளம் நகரசபை நடவடிக்கை எடுத்துள்ளது.

மேற்படி பிரதேசங்களைச் சேர்ந்த மக்கள் நகர சபைத் தலைவர் கே.ஏ.பாயிஸிடம் விடுத்த வேண்டுகோளுக்கிணங்க மேற்படி நடவடிக்கை முன்னெடுக்கப்பட்டுள்ளது.

புத்தளம் நகர சபை எல்லைக்குற்பட்ட பகுதிகளில் சுத்திகரிப்பு நடவடிக்கை மேற்கொள்ளப்படாத பிரதேசங்கள் குறித்து எழுத்து மூலம் நகர சபைக்கு அறிவிக்குமாறு புத்தளம் நகர சபை தலைவரின் பிரத்தியேக செயலாளர் எஸ்.எச்.எம்.நியாஸ் தெரிவித்தார்.