வினைத் திறமை காண் தடை தாண்டல் பரீட்சை

-பைஷல் இஸ்மாயில்

கிழக்கு மாகாண சுதேச மருத்துவ திணைக்களத்தின் சிற்றூழியர்களுக்கான 1ஆவது வினைத்திறமைகாண் தடை தாண்டல் பரீட்சைக்கு  விண்ணப்பித்தவர்களுக்கான வினைத் திறமை காண் தடை தாண்டல் பரீட்சை, எதிர்வரும் 28ஆம் திகதி திங்கட்கிழமை மட்டக்களப்பு பிராந்திய சுகாதார சேவைகள் திணைக்களத்தில் மாலை 1.30 மணிக்கு இடம்பெறவுள்ளது.

கடந்த பல வருடங்களாக மட்டக்களப்பு மாவட்டத்திலுள்ள ஆயுர்வேத வைத்தியசாலைகளில் சிற்றூழியர்களாக கடமையாற்றி வந்தவர்களுக்கே இவ்வினைத் திறமை காண் தடை தாண்டல் பரீட்சை இடம்பெறவுள்ளது.

இப்பரீட்சைக்கு விண்ணப்பித்தவர்கள் தங்களின் தேசிய அடையாள அட்டையுடன் குறித்த இடத்துக்கு சமூகமளிக்குமாறு கேட்டுக்கொள்ளப்பட்டுள்ளனர்.