மாளிகைக்காடு பிரதேசத்தில் விசேட ஆங்கில வகுப்புகள்

(எம்.ஐ.எம்.அஸ்ஹர் )

மாளிகைக்காடு பிரதேசத்திலுள்ள இளைஞர் யுவதிகளின் ஆங்கில அறிவை மேம்படுத்தும் நோக்கில் விசேட ஆங்கில வகுப்புகளை நடத்த மாளிகைக்காடு மனிதாபிமானமுள்ள சமுக சேவை ஒன்றியம் நடவடிக்கை எடுத்துள்ளது.

மாணவர்கள் க.பொ.த.சாதாரண மற்றும் உயர்தர பரீட்சைக்கு தோற்றிய பின்னர் ஆங்கில அறிவு இன்மை காரணமாக தமது உயர்கல்வியினை தொடர்வதில் பலவிதமான சிரமங்களை எதிர்நோக்கி வருகின்றனர்.

இவ்வாறான நிலைமையிலிருந்து மாணவர்களை மீட்டு சிறந்த ஆங்கில அறிவுள்ளவர்களாக மாற்றி உள்நாட்டிலும் வெளிநாடுகளிலும் தொழில் வாய்ப்பினை பெற்றுக்கொள்வதற்கும் உயர்கல்வியினை தொடர்வதற்கும் இது பெரும் வாய்ப்பாக அமையுமென ஒன்றியத்தின் தலைவர் எம்.எச்.எம். தாரிக் தமிழ் மிரர் இணையத்தளத்திற்கு தெரிவித்தார்.