அக்கரைப்பற்று மாநகர சபை வேட்பாளரின் வாகனத்தின் மீது தாக்குதல்

(ஹனீக் அஹமட்)

அக்கரைப்பற்று மாநகர சபை தேர்தலில் முஸ்லிம் காங்கிரஸ் சார்பாக போட்டியிடும் வேட்பாளர் அஷ்ஷேய்க் எஸ்.எல்.எம். ஹனீபா மதனியுடைய வாகனத்தின் மீது இனந்தெரியாத கும்பலொன்று நடத்திய தாக்குதலில் வானம் சேதமடைந்துள்ளது.

நேற்று முன்தினம் வியாழக்கிழமை இரவு கூட்டமொன்றில் கலந்துவிட்டு, தனது வீடு நோக்கி குறித்த வேட்பாளர் சென்று கொண்டிருந்தபோது, மறைந்து நின்ற ஒரு கும்பல் அவரின் வாகனத்தின் மீது கற்களால் தாக்கிவிட்டு தப்பிச் சென்றுள்ளதாக கூறப்படுகின்றது.

இத்தாக்குதலில், வாகனத்தின் முன் பக்கக் கண்ணாடி சேதமடைந்துள்ளது. எனினும் வாகனத்தில் பயணித்தவர்கள் காயமின்றித் தப்பியுள்ளனர்.

அக்கரைப்பற்றுப் பிரதேசமானது  அமைச்சர் அதாவுல்லாவின் சொந்த ஊர் என்பது இங்கு குறிப்பிடத்தக்கது.