சவூதியின் தாக்குதலில் நால்வர் பலி

யேமனில், ஹூதி ஆயுததாரிகளால் கட்டுப்பாட்டில் வைக்கப்பட்டுள்ள ஹொடெய்டா நகரிலுள்ள வானொலி நிலையமொன்றின் மீது, சவூதி அரேபியா தலைமையிலான இராணுவக் கூட்டணியால் மேற்கொள்ளப்பட்ட விமானத் தாக்குதலில், நான்கு பேர் கொல்லப்பட்டனர் என, அப்பகுதியில் வசிப்போரும் ஊடகங்களும் தெரிவித்தனர்.

யேமனில், மீண்டும் சமாதானப் பேச்சுவார்த்தைகளை ஆரம்பிப்பதற்கும், மோதல் தவிர்ப்பை ஏற்படுத்துவதற்கும், ஐக்கிய நாடுகள் முயற்சிகளை மேற்கொண்டுவரும் நிலையிலேயே, இத்தாக்குதல் மேற்கொள்ளப்பட்டுள்ளது.