நியூஸிலாந்து பூமியதிர்வில் உயிரிழந்தவர்களுக்கு மௌன அஞ்சலி

நியூஸிலாந்து, கிறைஸ்ட்சேர்ச்சில் இடம்பெற்ற பூமியதிர்ச்சியில் உயிரிழந்தவர்களை நினைவு கூரும் வகையிலான மௌன அஞ்சலி செலுத்தும் நிகழ்வு அந்நாட்டு நேரப்படி இன்று செவ்வாய்க்கிழமை நண்பகல் 12.51 மணிக்கு நடைபெற்றது.   

பூமியதிர்ச்சி ஏற்பட்ட நேரத்தில் நாடு முழுவதிலும் இரு நிமிடங்கள்  மௌன அஞ்சலி செலுத்தப்பட்டது..

மீட்புப் பணியாளர்கள் தமது ஆயுதங்களைக் கீழே வைத்து விட்டு இரு நிமிட மௌன அஞ்சலி செலுத்தியுள்ளனர்.

நியூஸிலாந்தில் இடம்பெற்ற பூமியதிர்ச்சியில் 154 பொதுமக்கள் உயிரிழந்துள்ளதாக தெரிவிக்கப்படுகிறது. இருப்பினும் பலர் காணாமல் போயுள்ள நிலையில் உயிரிழந்தவர்களின் எண்ணிக்கை 240ஆக அதிகரிக்கலாமென  அதிகாரிகள் தெரிவித்துள்ளனர்.

இந்த பூமியதிர்ச்சி ரிச்டர் அளவுத்திட்டத்தில் 6.3ஆக பதிவாகியிருந்தது.