மாவோ சேதுங் மீது அவதூறுக்கு கடுமையான தண்டனை

மாவோ சேதுங் பற்றி தெரிவித்த நகைச்சுவைகளுக்காக, சீனா ஸ்டார் தொலைக்காட்சியின் தொகுப்பாளர் ஒருவர் கடுமையான தண்டனையை எதிர்நோக்கியுள்ளதாக அரச ஊடகம் தெரிவித்துள்ளது.

தனியார் விருந்துபசாரம் ஒன்றில் பி பியூஜியான் என்ற இந்த தொலைக்காட்சித் தொகுப்பாளர், நகைச்சுவையான பாடலொன்றை பாடி, முன்னாள் சீனத் தலைவரான மாவோ சேதுங்கை கடுமையான வார்த்தைப் பிரயோகத்தில் அவமதித்த காணொளி, கடந்த ஏப்ரல் மாதம் இணையத்தில் வெளியாகியிருந்தது.

மேற்படி தொகுப்பாளரைக் கடுமையான அரசியல் ஒழுக்க மீறலின் கீழ் தண்டிக்குமாறு அதிகாரிகள் கூறியதாக, அவர் பணியாற்றும் “பீப்பிள் டெய்லி” நிறுவனம் தெரிவித்துள்ளது.