ஜப்பானில் சிகரெட் வரி 40 சதவீதத்தால் அதிகரிப்பு

ஜப்பானில் சிகரெட்டுக்களுக்கான வரியை பாரியளவில் அதிகரிப்பதற்கான நடவடிக்கையை அந்த நாட்டு அரசாங்கம்  மேற்கொண்டுள்ளது.

புகைப்பிடித்தலை குறைக்கும் வகையிலேயே  இத்தீர்மானம் மேற்கொள்ளப்பட்டுள்ளது.

இதன்படி, ஜப்பானில் இன்று வெள்ளிக்கிழமை முதல் 40 சதவீதத்தால் சிகரெட்டுக்கான விலை அதிகரிக்கப்படுகிறது.

ஜப்பானில் உணவு விடுதிகள், மாதுபானசாலைகள் ஆகியவற்றில் புகைப்பிடிப்பதற்கான அனுமதி வழங்கப்பட்டுள்ள அதேவேளை, சில அலுவலகங்களிலும் புகைப்பிடிப்பதற்கான அறைகள் ஒதுக்கப்பட்டுள்ளன.

ஜப்பானில் மூன்றிலொரு பங்கு ஆண்களும் 12 சதவீதமான பெண்களும் புகைப்பிடித்து வருகின்றமை குறிப்பிடத்தக்கது.