ரஜரட்ட மத்திய கல்லூரியை கிண்ணியா மத்திய கல்லூரி வென்றது.

(எஸ்.எஸ்.குமார்)

இலங்கை பாடசாலைகள் கிரிக்ககெட் சங்கம் நடத்திய 15 வயதுக்குட்பட்ட பாடசாலை அணிகளுக்கிடையிலான கிரிக்கட் தொடரில் திருகோணமலை ஸ்ரீ கோணேஸ்வரா இந்துக் கல்லூரி மைதானத்தில்  திருக்கோணமலை, கிண்ணியா மத்திய கல்லூரி அணிக்கும், பொலநறுவை, ஹிங்குராங்கொட ரஜரட்ட மத்திய கல்லூரி அணிக்கும் இடையே 15 வயதுக்கு  உட்பட்டவர்களுக்கான போட்டி நடைபெற்றது.

இதில்  திருகோணமலை  கிண்ணியா மத்திய கல்லூரி அணியினர் 60 ஓட்டங்களால் வெற்றி பெற்றனர்.

முதலில் துடுப்பெடுத்தாடிய கிண்ணியா மத்திய கல்லூரி அணி  நிர்ணயிக்கப்பட்ட 50 ஓவர்களில்  47 ஓவர்களுக்கு முகம் கொடுத்து 167 ஓட்டங்களைப் பெற்றுக் கொண்டனர். இஜாஸ் அகமட் 52  ஓட்டங்களைப் பெற்றார்.

பதிலுக்கு துடுப்பெடுத்தாடிய ரஜரட்டை மத்திய கல்லூரி அணியினர் 29 ஓவர்களுக்கு  117 ஓட்டங்களை மாத்திரம் பெற்றுக் கொண்டனர். இதில் லகிரு பிரியலால் 44 ஓட்டங்களைப் பெற்றார்.