கால்பந்தாட்ட போட்டியில் திருகோணமலை ஒலிம்பிக்ஸ் கழகம் வெற்றி

(கஜன்)

இலங்கை கால்பந்தாட்ட சம்மேளனம் நடத்திய பிரிவு  3க்கான  போட்டியில் திருகோணமலை ஒலிம்பிக்ஸ் கழகம்  வெற்றி பெற்றது.

திருகோணமலை மெக்கெய்சர் மைதானத்தில் நேற்று வியாழக்கிழமை  யாழ்ப்பாணம் சிங்கிங் பிஷ் கழகத்திற்கும் ஒலிம்பிக்ஸ் கழகத்திற்கும் இடையிலான போட்டி நடைபெற்றது.

இடைவேளை வரை எந்த அணிகளும் கோல்கள் போடாத நிலையில் கால்பந்தாட்டப் போட்டி நடைபெற்றது. இடைவேளைக்குப் பின்னர் ஒலிம்பிக்ஸ் கழகத்தின் பின்வரிசை வீரர் பி.திலக்சன் தனக்கு கிடைத்த சந்தர்ப்பத்தை சரியாக பயன்படுத்தி தலையால் மோதி கோலினைப் பெற்றுக் கொடுத்தார். இதன் பின்னர் 10 நிமிட  நேரத்தில் மற்றொரு வீரர்   கோல் ஒன்றினை  போட்டார்.

ஆட்ட நிறைவில்  2க்கு 0 என்ற கோல் கணக்கில் திருகோணமலை ஒலிம்பிக்ஸ் கழகம் யாழ்ப்பாணம் சிங்கிங் பிஷ் கழகத்தை வெற்றி கொண்டது.