அகில இலங்கை கால்பந்தாட்டச் சங்க கால்பந்தாட்ட போட்டியில் கல்முனை பிரிலியன்ட் விளையாட்டுக் கழகம் வெற்ற

(எம்.ஐ.எம்.அஸ்ஹர்)                   

அகில இலங்கை கால்பந்தாட்டச் சங்கம் நடத்திய பிரிமியர் லீக் டிவிசன் 2 கால்பந்தாட்ட இறுதிப்போட்டியில் கல்முனை பிரிலியன்ட் விளையாட்டுக் கழகம் சம்பியன்களாக தெரிவு செய்யப்பட்டுள்ளது.

கடந்த ஞாயிற்றுக்கிழமை கொழும்பு சீ.ஆர்.அன்ட் எப்.ஸி மைதானத்தில் இடம்பெற்ற இறுதிப்போட்டியின்போது களுத்துறை சுப்பர்பீச் விளையாட்டுக்கழகத்தை எதிர்த்தாடிய கல்முனை பிரிலியன்ட் விளையாட்டுக்கழகம் 5 – 4 என்ற கோல் அடிப்படையில் வெற்றிபெற்றது.

பிரிலியன்ட் விளையாட்டுக்கழகம் சம்பியன்களாக தெரிவு செய்யப்பட்டதுடன,; பிரிமியர் லீக் வெற்றிக்கிண்ணமும் 2 இலட்சத்து 50 ஆயிரம் ரூபா பணப்பரிசும் வழங்கப்பட்டன.

அம்பாறை மாவட்ட கால்பந்தாட்டத்துறை வரலாற்றில் கல்முனையைச் சேர்ந்த விளையாட்டுக்கழகமொன்று தேசிய ரீதியில் சம்பியனாக தெரிவு செய்யப்பட்டது இதுவே முதன்முறையாகும்.