காற்று வெளியிடையில் புது நடிகை

மணிரத்னம் இயக்கத்தில் கார்த்தி நடிக்கும் காற்று வெளியிடை திரைப்படத்தில் அழகான புது நடிகை அறிமுகமாகின்றார்.

பவன்குமார் நடிப்பில் கன்னடத்தில் அண்மையில் வெளியான யூ-டேர்ன் திரைப்படத்தில் அறிமுகமான சாரதா ஸ்ரீநாத், என்ற நடிகையே காற்று வெளியிடையில் அறிமுகமாகின்றார்.

கார்த்தி - அதிதி ராவ் ஆகியோர் பிரதான பாத்திரங்களில் நடிக்கும் இந்த திரைப்படத்துக்கு ஏ.ஆர்.ரஹ்மான் இசையமைக்கவுள்ளதுடன் பிரபலமான ஒளிப்பதிவாளர் ரவி வர்மன் ஒளிப்பதிவு செய்யவுள்ளார். கவிஞர் வைரமுத்து பாடல்களை எழுதியுள்ளார்.

இதேவேளை, கௌதம் ராம்சரண் இயக்கத்தில் நிவின் பாலி நடிக்கும் தமிழ் திரைப்படத்திலும் சாரதா ஸ்ரீநாத், ஒப்பந்தமாகியுள்ளதாக தெரிகின்றது.