’ஏற்றுமதி துறையில் காணப்படும் தடைகளை நீக்க கவனம் செலுத்தப்படும்’

ஏற்றுமதி துறையில் காணப்படும் தடைகளை நீக்க, எதிர்வரும் வரவு செலவு திட்ட முன்மொழிவின் போது, கவனம் செலுத்தப்படுமென, ஜனாதிபதி மைத்திரிபால சிறிசேன தெரிவித்தார்.

நேற்று (18) பிற்பகல், கொழும்பு பண்டாரநாயக்க ஞாபகார்த்த சர்வதேச மாநாட்டு மண்டபத்தில் நடைபெற்ற 2018 ஆம் ஆண்டிற்கான ஏற்றுமதி விழாவில் கலந்துகொண்ட போதே, அவர் இவ்வாறு தெரிவித்தார்.

தேசிய பொருளாதாரத்தை பலப்படுத்தும் முக்கிய துறைகளில் ஒன்றான ஏற்றுமதி துறையை ஊக்கப்படுத்துவதற்கும், அவர்களது பிரச்சினைகளைத் தீர்த்து வைப்பதற்கும் அரசாங்கம் தொடர்ச்சியாக கவனம் செலுத்தி வருவதாக, ஜனாதிபதி மேலும் தெரிவித்தார்.