சட்டவிரோத அகழ்வு நடவடிக்கையில் ஈடுபட்ட 6 பேர் கைது

சட்டவிரோதமான முறையில் அகழ்வு நடவடிக்கையில் ஈடுப்பட்ட 6 பேர், புளியங்குளம்- நயினாமடு பகுதியில் வைத்து பொலிஸாரால் கைதுசெய்யப்பட்டுள்ளனர்.

கிடைக்கப்பெற்ற தகவலை அடுத்து, பொலிஸார் முன்னெடுத்த சோதனையின் போது,   28 முதல் 56 வயதுடைய சந்தேக நபர்கள் கைதுசெய்யப்பட்டுள்ளனர்.

இதேவேளை, சம்பவத்துடன் தொடர்புடைய மற்றுமொரு சந்தேக நபர், அங்கிருந்து தப்பிச்சென்றுள்ளதாக தெரிவிக்கப்பட்டுள்ளது.

சம்பவம் தொடர்பில் பொலிஸார் விசாரணைகளை முன்னெடுத்து வருகின்றனர்.