‘ நின்ஜா ‘ குழுவின் சூட்டா கைது

நின்ஜா எனப்படும் பாதாளக் குழுவின் “ சூட்டா” என்ற நபர் தெமட்டகொட பிரதேசத்தில் வைத்து கைதுசெய்யப்பட்டுள்ளார்.

நேற்று மாலை கொழும்பு குற்றப்புலனாய்வு பிரிவினர் மேற்கொண்ட சுற்றிவளைப்பின் போதே சந்தேகநபர் கைதுசெய்யப்பட்டுள்ளார்.

பியன்வல- கடவத்த பிரதேசத்தைச் சேர்ந்த 31 வயதான நபரே இவ்வாறு கைதுசெய்யப்பட்டுள்ளார்.

இதன்போது சந்தேகநபரிடமிருந்து தன்னியக்க துப்பாக்கி ஒன்றும், பொலிஸாரால் கைப்பற்றப்பட்டுள்ளது.

கைதுசெய்யப்பட்ட சந்தேகநபர், வெளிநாட்டில் தலைமறைவாகியிருக்கும்  அங்கொட லொக்கா என்ற பாதாள குழுத் தலைவருடன் நெருக்கமானவ​ர் எனவும், இவருடன் பல்வேறு குற்றச்செயல்களில் ஈடுபட்ட, துவான் என்ற சந்தேகநபர் தற்சமயம் சிறைத் தண்டனைப் பெற்று வருகிறாரெனவும் தெரிவிக்கப்பட்டுள்ளது.

இ​தே​வேளை, சூட்டாவிடம் பல்வேறு பல பிரிவுகளின் கீழ் விசாரணைகள் முன்னெடுக்கப்பட்டு வருவதாக, பொலிஸார் தெரிவித்துள்ளனர்.