வாள்வெட்டு: இருவர் படுகாயம்

-க. அகரன்

மோட்டார் சைக்கிளில் சென்றவர்கள் இருவர் வாள் வெட்டுக்கு இலக்காகி, படுகாயமடைந்த நிலையில், வவுனியா பொது வைத்தியசாலையில் அனுமதிக்கப்பட்டுள்ளனர்.

இச்சம்பவம், வவுனியா வைத்தியசாலைக்கு அருகில், நேற்று (22) இரவு 10.30 மணியளவில் இடம்பெற்றுள்ளது.

இதேவேளை, தாக்குதலுக்கு இலக்கானவர்கள் பயணித்த மோட்டர் சைக்கிளும் உடைத்து நொருக்கப்பட்டுள்ளது.

வாள் வெட்டில் ஈடுபட்ட நபர்கள், அங்கிருந்து தப்பிச் சென்றுள்ளதாக வவுனியா பொலிஸார் தெரிவித்துள்ளனர்.

இது தொடர்பாக, வவுனியா பொலிஸார், விசாரணைகளை முன்னெடுத்து வருகின்றனர்.