இந்தியாவிலிருந்து 100 பஸ்கள் இறக்குமதி

(ஒலிந்தி ஜயசுந்தர)

இலங்கை போக்குவரத்து சபை ஒவ்வொன்றும் 4 மில்லியன் பெறுமதியான 100 புதிய பஸ்களை இறக்குமதி செய்யவுள்ளது.

இதனையடுத்து இன்னும் 400 பஸ்களை கொள்வனவு செய்யவுள்ளதாக இலங்கை போக்குவரத்து சபையின் தலைவர் எம்.டி.பந்துசேன தெரிவித்தார்.

பொது பஸ் போக்குவரத்தில் 30 சதவீதத்தை இலங்கை போக்குவரத்து சபை நடத்துகின்றது. இதை 40 சதவீதமாக அதிகரிக்கவுள்ளோம். இதற்கு இன்னும் 2,000 பஸ்கள் தேவை என அவர் குறிப்பிட்டார்.

புதிதாக கொள்வனவு செய்யப்படும் பஸ்கள் நீண்ட தூர சேவையில் ஈடுபடும் என தலைவர் எம்.டி.பந்துசேன கூறினார்.

கிராமங்களில் சேவையில் ஈடுபடுவதற்காக சீ வகையான  500 பஸ்களை இறக்குமதி செய்ய திறைசேரி நிதி வழங்கியுள்ளதாக அவர் மேலும் குறிப்பிட்டார்.