மாணவனின் மரணம் தொடர்பாக ஆராய ஜனாதிபதி ஆணைக்குழு

றுகுணு பல்கலைக்கழக மாணவன் சுசந்த பண்டாரவின் மரணம் தொடர்பாக விசாரணை நடத்துவதற்கு ஜனாதிபதி மஹிந்த ராஜபக்ஷ விசேட ஆணைக்குழுவொன்றை நியமித்துள்ளதாக ஜனாதிபதி செயலகம் இன்று அறிவித்தது.

இந்த ஒரு நபர் ஆணைக்குழுவின் அங்கத்தவராக ஓய்வுபெற்ற உயர் நீதிமன்ற நீதிபதி ஜகத் பாலபட்டிபெந்தே நியமிக்கப்பட்டுள்ளார்.

பல்கலைக்கழக மாணவன் சுசந்த பண்டாரவின் மரணத்திற்கு காரணமானவர்கள் என சுமத்தப்படும் குற்றச்சாட்டுகள் குறித்து இந்த ஆணைக்குழு விசாரணை நடத்தவுள்ளது.

இம்மாணவனின் மரணத்திற்கு பொலிஸாரின் தாக்குதலே காரணம் என றுகுணு பல்கலைக்கழக மாணவர் ஒன்றியம் குற்றம் சுமத்தி வருகிறது.