விவசாய கல்லூரிகளுக்கான அனுமதிப் பரீட்சை நாளை

(எம்.எம்.அஸ்ஹர்)

இலங்கையிலுள்ள விவசாய கல்லூரிகளின் 2011/2013 ஆம் கல்வி ஆண்டுகளுக்குரிய மாணவர்களை அனுமதிப்பதற்கான போட்டிப் பரீட்சை நாளை 15 ஆம் திகதி ஞாயிற்றுக்கிழமை வடக்கு கிழக்கு உட்பட நாட்டின் 13 நிலையங்களில் இடம்பெற்றுள்ளது.

விவசாய டிப்ளோமா பயிற்சி நெறி என தமிழ் மற்றும் சிங்கள மொழி மூலம் பயில்வதற்காக கொழும்பு,  பதுளை, மட்டக்களப்பு, காலி, மாத்தறை, யாழ்ப்பாணம், கண்டி, குருநாகல், திருகோணமலை, வவுனியா இரத்தினபுரி மற்றும் ஹம்பாந்தோட்டை ஆகிய நிலையங்களில் பரீட்சை நடைபெறும். நாடு முழுவதும் இருந்து 1450 பரீட்சாத்திகள் பரீட்சைக்கு தோற்றுகின்றனர்.