ஐ.தே.க. கண்டனம்

ஜனநாயக தேசிய முன்னணியின் தலைவர் சரத் பொன்சேகாவுக்கு இரண்டாவது இராணுவ நீதிமன்றம் வழங்கிய தண்டனையை ஜனாதிபதி உறுதிப்படுத்தியமை எதிர்பார்க்கப்பட்ட ஒரு நடவடிக்கை எனவும் இது கடுமையாக கண்டிக்கப்பபட வேண்டியது எனவும் ஐக்கிய தேசியக் கட்சி கூறியுள்ளது.

இந்நடவடிக்கைக்கு எதிராக தேசிய ரீதியிலும் சர்வதேச ரீதியிலும் ஐ.தே.க. போராடும் என அக்கட்சியின் நாடாளுமன்ற உறுப்பினர் மங்கள சமரவீர தெரிவித்தார்.

இந்த முன்னாள் இராணுவத் தளபதியை தூக்கிலிட வேண்டுமென அரச ஊழியர்கள் சிலர் பகிரங்கமாக கூறிய நிலையில் அரசாங்கம் மேற்படி நடவடிக்கையை மேற்கொள்ளப்போகிறது என்பதை நாம் அறிந்திருந்தோம் எனவும் மங்கள சமரவீர கூறினார். (DM)