கட்டில், மின்விசிறி, உடற்பயிற்சி இயந்திரம் வேண்டும்: பொன்சேகா

சிறைத்தண்டனை விதிக்கப்பட்டுள்ள முன்னாள் இராணுவத் தளபதி சரத் பொன்சேகா, தனக்கு மின்விசிறி, உடற்பயிற்சி இயந்திரம் மற்றும் கட்டில் ஆகியவை வேண்டுமென சிறைச்சாலைகள் ஆணையாளரிடம் கோரியதாக தகவலறிந்த வட்டாரங்கள் தெரிவித்தன.

சிறைச்சாலைகள் ஆணையாளர் மேஜர் ஜெனரல் வி.ஆர்.டி. சில்வாவை வெலிக்கடையிலுள்ள அவரின் அலுவலகத்தில் வியாழனன்று சந்தித்தபோதே சரத் பொன்சேகா இக்கோரிக்கையை விடுத்துள்ளார்.
 

இதற்கு பதிலளித்த சிறைச்சாலை ஆணையாளர், இக்கோரிக்கையை தாமதமின்றி நீதியமைச்சுக்கு அறிவிப்பதாக தெரிவித்துள்ளார்.