எல்.ரி.ரி.ஈ. சந்தேக நபர்களை விடுவிக்க பணம் கோரியவர்கள் கைது

தமிழீழ விடுதலை புலிகள் இயக்க சந்தேக நபர்களை விடுதலை செய்வதற்கு 150,000 ரூபா கோரிய நால்வரை கிளிநொச்சி பொலிஸார் இன்று கைது செய்துள்ளனர்.

புலிகள் இயக்க சந்தேக நபர்கள் 300 பேர் இன்று கிளிநொச்சிக்கு அழைத்துவரப்படுவதாகவும் அவர்களை விடுவிப்பதற்கு 150,000 ரூபா வேண்டுமெனவும் புலிகள் இயக்க சந்தேக நபர்களின் பெற்றோர்களிடம் மேற்படி நபர்கள் தெரிவித்தனராம். இது தொடர்பாக கிளிநொச்சி பொலிஸார் விசாரணைகளை மேற்கொண்டு வருகின்றனர்.