பார ஊர்திகள் இடதுபுறத்தில் செல்ல அறிவுறுத்தல்

கொழும்பு நகர எல்லைக்குள் பஸ், லொறி, முச்சக்கரவாகனங்கள் மற்றும் ஏனைய பார ஊர்திகள் வீதிகளின் இடது புறத்திலேயே செல்ல வேண்டும் என்ற விதிமுறையை அமுல்படுத்தவுள்ளதாக கொழும்பு நகர போக்குவரத்து பொலிஸார் தெரிவித்துள்ளனர்.

இவ்விதி ஏற்கெனவே வகுக்கப்பட்டுள்ளபோதிலும் சில காரணங்களால் அவற்றை அமுல்படுத்த முடியவில்லை எனவும் அவர்கள் தெரிவித்தனர். இவ்விதியை மீறுவோருக்கு 550 ரூபா அபராதம் விதிக்கப்படும் என அறிவிக்கப்பட்டுள்ளது.