ஹெய்டிக்கு செல்கிறார் இராணுவத் தளபதி

இராணுவத் தளபதி லெப். ஜெனரல் ஜகத் ஜயசூரிய விரைவில் ஹெய்டிக்கு விஜயம் செய்து, அங்கு ஐ.நா. சமாதானப் படையினரின் செயற்பாடுகளை பார்வையிடவுள்ளார்.

இதேவேளை, ஹெய்டிக்கு செல்லும் வழியில், ஐ.நா. வின் இராணுவ ஆலோசகரும் சமாதானப் படை நடவடிக்கைகள் திணைக்களத்திற்கான ஐ.நா. உதவிச் செயலாளருமான லெப். ஜெனரல் பாபாகார் கயேவையும் இலங்கை இராணுவத் தளபதி சந்தித்து கலந்துரையாடினார்.

நியூயோர்க்கிலுள்ள ஐ.நா. சமாதானப்படை திணைக்களத்தில் நடைபெற்ற இச்சந்திப்பில் ஐ.நா.வுக்கான இலங்கையின் பிரதி வதிவிடப் பிரதிநிதி மேஜர் ஜெனரல் சவேந்திர சில்வாவும் கலந்துகொண்டார்.