சுதந்திர தினத்தன்று மூடப்படும் வீதிகள்

67 ஆவது சுதந்திர தினமான 4ஆம் திகதி புதன்கிழமை சுதந்திர தின பிரதான வைபவம் இடம்பெறும் நாடாளுமன்ற மைதானத்தை சுற்றியுள்ள வீதிகளில் சில வீதிகள் தற்காலிகமாக மூடப்பட்டிருக்கும் என்று பொலிஸ் தலைமையகம் அறிவித்துள்ளது.

காலை 6 மணி முதல் 11 மணி வரையில் மட்டுமே இந்த வீதிகள் மூடப்பட்டிருக்கும் என்றும் தலைமையகம் அறிவித்துள்ளது.  

இதற்கமைய, கிம்புலாவல சந்தியிலிருந்து கியான்ஹேம் சுற்றுவட்டம் வரை ஐப்பான் நட்புறவு வீதி, பொல்துவ சந்தியிலிருந்து நாடாளுமன்றம் பக்கமாக செல்லும் நாடாளுமன்ற வீதி, ஹட்டன் நெஷனல் வங்கியிலிருந்து கியான்ஹேம் சுற்றுவட்டம், டென்சில் கொப்பேகடுவை மாவத்தை மூடப்படவுள்ளன.

அத்துடன், பெலவத்த சந்தியிலிருந்து கியான்ஹேம் சுற்றுவட்டம் பெலவத்த வீதி மற்றும் நாடாளுமன்ற விளையாட்டு மைதானத்துக்கு முன்பாக உள்ள வீதி ஆகியனவே இவ்வாறு மூடப்படவுள்ளன.

இந்த காலப் பகுதியில் மாற்று வீதிகளை உபயோகிக்குமாறு பொலிஸார் பொதுமக்களுக்கு அறிவுறுத்தியுள்ளனர்.