கொழும்பிலுள்ள 7 உணவகங்களுக்கு சீல் வைக்கப்பட்டுள்ளன

மாசடைந்த நீரைப் பயன்படுத்தி உணவு  தயாரித்ததன் காரணமாக  கொழும்பிலுள்ள 7 உணவகங்கள் சீல் வைக்கப்பட்டு மூடப்பட்டுள்ளதாக சுற்றாடல் பாதுகாப்பு பிரிவு பொலிஸார் தெரிவித்தனர்.

புறக்கோட்டை, தெமட்டகொடை, வாழைத்தோட்டம், மற்றும் ஆமர்வீதியில் அமைந்துள்ள உணவகங்களின் உரிமையாளர்களுக்கு எதிராக வழக்குத் தாக்கல் செய்யப்பட்டுள்ளதாகவும் பொலிஸார் கூறினர்.

அண்மையில் கொழும்பு மாநகரசபையின் பொது சுகாதார அதிகாரிகள்,  சுற்றாடல் பாதுகாப்பு பிரிவு பொலிஸார்  ஆகியோர் இணைந்து கொழும்பபிலுள்ள பல உணவகங்களில் திடீர்  சோதனை நடவடிக்கைகளை மேற்கொண்டிருந்தனர். இந்த சோதனை நடவடிக்கையின்போது, அவர்கள் உணவகங்களில் பயன்படுத்தப்படும்  மாதிரி நீரைச் சேகரித்திருந்தனர்.

இந்த நீரை சோதனைக்கு உட்படுத்தியபோது, உணவு தயாரிப்புக்கு மாசடைந்த நீர் பயன்படுத்தப்பட்டதாகத் தெரியவந்துள்ளது. (DM)