அகதி அந்தஸ்து கோரிய 85 வீத இலங்கையர்களுக்கு கனடாவில் அனுமதி

2010ஆம் ஆண்டின் முதல் ஆறு மாத காலத்தினுள் கனடாவில் அகதி அந்தஸ்து கோரிய இலங்கையர்களில் 85.2 வீதமானவர்களின் கோரிக்கையை கனடா அகதிகள் சபை ஏற்றுள்ளது. இது ஏனைய நாடுகளை விட அதிகமாகும் என சீ.பீ.சீ. செய்தி தெரிவிக்கின்றது.

சீ.பீ.சீ செய்தியால் மேற்கொள்ளப்பட்ட ஆய்வின் போது அகதி அந்தஸ்து கோரிய இலங்கையர்களில் 345 பேரின் விண்ணப்பங்களை கனடா குடிவரவு மற்றும் அகதிகள் சபை ஏற்றுக் கொண்டுள்ளது.

இதேவேளை 50 பேரின் கோரிக்கைகள் நிராகரிக்கப்பட்டுள்ளது. அத்துடன் இந்த காலப்பகுதியில் 705 பேரின் கோரிக்கைகள் ஆராயப்பட்டுக் கொண்டிருக்கின்றன.