கடுங்காற்றில் சிக்கிய படகிலிருந்த 31 பேர் கைது

சட்டவிரோதமாக படகு மூலம் அவுஸ்திரேலியா செல்ல முற்பட்ட 31 பேர் ஆராச்சிக்கட்டுவ பொலிஸாரினால் இன்று(30) கைதுசெய்யப்பட்டுள்ளனர்.

கடந்த 28ஆம் திகதி முந்தல்-உடப்பு பகுதியில் இருந்து இவர்கள் சட்டவிரோதமாக பயணித்த படகானது புயலில் சிக்குண்டதால் இதில் பயணித்தவர்கள் ஆராச்சிக்கட்டுவ-கலுல்எலிய தீவில் கரையொதுங்கியுள்ளனர்.

இதில் 35 பேர் வரை பயணம் மேற்கொண்ட போதிலும்,31 பேரை மாத்திரமே பொலிஸார் கைதுசெய்துள்ளதாகவும் ஏனையோர் தப்பிச் சென்றுள்ளதாக பொலிஸார் தெரிவித்துள்ளனர்.

இவ்வாறு கைதுசெய்யப்பட்டவர்கள் உடப்பு,முந்தல் மற்றும் முல்லைத்தீவு பிரதேசங்களைச் சேர்ந்தவர்கள் என ஆராச்சிக்கட்டுவ பொலிஸார் குறிப்பிட்டுள்ளனர்.