புதிய கடற்படை தளபதி நியமனம்

இலங்கை கடற்படையின் 24ஆவது தளபதியாக வைஸ் அட்மிரல் நிஷாந்த உலுகேதென்ன நியமிக்கப்பட்டுள்ளார்.

அட்மிரல் நிஷாந்த உலுகேதென்ன, முன்னதாக கடற்படையின் பிரதானியாக கடமை வகித்திருந்தார்.

இவர், 1985ஆம் ஆண்டு கடற்படையில் இணைந்துகொண்டவராவார்.

இதேவேளை, இதுவரை கடற்படை தளபதியாக இருந்த அட்மிரல் பியால் டி சில்வா, இன்று (15) ஓய்வுபெற்றுச் செல்கின்றமை குறிப்பிடத்தக்கது.

இதேவேளை, இலங்கை கடற்படையின் புதிய ஊடகப்பேச்சாளராக கெப்டன் இந்திக டி சில்வா நியமிக்கப்பட்டுள்ளார்.