விக்கிலீக்ஸில் லக்ஷர் ஈ தொய்பாவின் இலங்கை முயற்சிகள் குறித்த தகவல்கள்

இந்தியாவின் கேரளா மற்றும் தமிழ்நாட்டில் தளங்களை அமைப்பதற்கான உதவி நிலையமொன்றை கொழும்பில் ஏற்படுத்துவதற்கு லக்ஷர் - ஈ. தொய்பா இயக்கம் முயற்சித்ததாக அமெரிக்க இராஜாங்கத் திணைக்களத்தின் 19.6.2009 ஆம் திகதியிடப்பட்ட தகவலொன்றில் (கேபிள்) குறிப்பிடப்பட்டுள்ளதை விக்கிலீக்ஸ் இணையத்தளம் அம்பலப்படுத்தியுள்ளது.

இந்தியா, பாகிஸ்தான், நேபாளம் ஆகிய நாடுகளில் அபாயகரமான வகையில் லக்ஷர் ஈ. தொய்பா அமைப்பு தன்னை விஸ்தரிப்பது குறித்தும் அக்கேபிளில் குறிப்பிடப்பட்டுள்ளது.

பல்வேறு புலனாய்வுத் தகவல்களின் அடிப்படையில் இக்கேபிள் குறிப்பு அனுப்பப்பட்டுள்ளது. எனினும் அதன் மூலம் விபரங்கள் குறிப்பிடப்படவில்லை.

இலங்கை, பாகிஸ்தான், நோபளம் ஆகிய நாடுகளைத் தளமாகக் கொண்ட லக்ஷர் ஈ தொய்பா அங்கத்தவர்களின் உதவியுடன் தென்னிந்தியாவில் இரு அணிகளை நிலைப்படுத்துவதற்கு லக்ஷர் தலைவர்களில் ஒருவரான ஷபீக் கபா,  கடுமையாக முயற்சி செய்ததாக அக்கேபிளில் தெரிவிக்கப்பட்டுள்ளது.