‘7 இலட்சம் வழக்குகள் நிலுவையில் உள்ளன’

“நீதியமைச்சின் புள்ளிவிவரத் தகவல்களின் பிரகாரம், 7 இலட்சத்து 95 ஆயிரம் வழக்குகள், தீர்த்துவைக்கப்படாமல், இலங்கையில் உள்ளன” என்று, கொழும்பு பல்கலை க்கழகத்தின் சட்ட பீட சிரேஷ்ட விரிவுரையா ளர் பேராசிரியர் பிரதீபா  மஹாநாம தெரிவித்தார். 

எனினும், தற்போதைய அரசியல் மேடைகளில், விசேட நீதிமன்றம் நிறுவப்பட்டு, கடந்த ஆட்சியின் போது, அரச வளங்களை கொள்ளையடித்தவர்களுக்கு தண்டனை வழங்கப்படவேண்டும் என்ற கருத்துகள் மேலோங்கியுள்ளன.   

கொழும்பு மேல் நீதிமன்றங்கள் ஒவ்வொன்றில் மட்டும், தீர்த்துவைக்கப்படாமல், ஆகக்குறைந்தது 10 வழக்குகள் உள்ளன என்றும் அவர் சுட்டிக்காட்டினார்.  

அவ்வாறான வழக்குகள் சாதாரண வழக்குகளாகும். அவற்றை, ஏனைய நீதிமன்றங்களுக்கு பிரித்துக்கொடுத்து, தீர்த்துவைக்கலாம் என்றும் அவர் குறிப்பிட்டார்.   

நாட்டில், நீதிமன்றங்களின் எண்ணிக்கை வரையறுக்கப்பட்டுள்ளது. நீதிமன்றங்களின் எண்ணிக்கையை அதிகரித்தால், இவ்வாறான பிரச்சினைகளுக்கு தீர்வு காணலாம்.  

இதேவேளை, அடிப்படைய உரிமை மனுக்களை, மாகாண உயர்நீதிமன்றங்களும் விசாரணைக்கு உட்படுத்தும் வகையில், ஏற்பாடுகளை மேற்கொள்ளவேண்டும் என்றும் அவர் இதன்போது குறிப்பிட்டார்.